پاکستان میں بینکاری کا نیا دور:

روشن ڈجیٹل اکاؤنٹ، پاکستان میں کام کرنے والے کمرشل بینکوں کے اشتراک سے بینک دولت پاکستان کا ایک اہم اقدام ہے۔ لاکھوں پاکستانی تارکینِ وطن یا غیر مقیم پاکستانی (این آر پیز) ، جو پاکستان میں بینکاری ، ادائیگی اور سرمایہ کاری کرنا چاہتے ہیں، ان اکاؤنٹس کے ذریعے بینکاری کی جدید سہولتیں حاصل کر سکتے ہیں۔

نیا پاکستان سرٹیفکیٹس (این پی سیز) امریکی ڈالر، پاکستانی روپے ، یورو اور برطانوی پونڈ کی مالیت میں حکومت پاکستان کے جاری کردہ ریاستی تمسکات ہیں۔ نیا پاکستان سرٹیفکیٹس مختلف میعادوں کے، خطرے سے پاک، پُرکشش منافع پیش کرتے ہیں۔ یہ سرٹیفکیٹس روایتی اور شریعت سے ہم آہنگ دونوں شکلوں میں دستیاب ہیں اور ان کا انتظام اسٹیٹ بینک آف پاکستان کرتا ہے۔

معیشت پر کورونا وائرس کے منفی اثرات کا مقابلہ کرنے کے لیے اسٹیٹ بینک آف پاکستان نے متعدد اقدامات کیے ...

اسٹیٹ بینک نے " برابری پر بینکاری، مالی شمولیت میں پائے جانے والے صنفی فرق کو کم کرنا " کے عنوان سے ایک صنفی پالیسی بنائی ہے تاکہ ملک میں مالی شمولیت میں خواتین کا تناسب بڑھایا جا سکے۔ ابتدائی طور پر متعلقہ اداروں کا براہ راست فیڈبیک مل چکا ہے۔

ڈجیٹل مالی خدمات (ڈی ایف ایس)  تک ڈجیٹل چینلز کے ذریعے  رسائی حاصل کی جاتی ہے اور ان میں طرح طرح کی مالی خدمات  شامل ہیں ۔  معیارِ زندگی کو بہتر بنانے، غربت میں کمی لانے ، مالیاتی خسارہ کم کرنے اور  تمام پاکستانیوں  کو آمدنی کے مساوی مواقع فراہم کرنے کے لیے ڈجیٹل مالی خدمات اہم کردار ادا کرسکتی ہیں۔