بازارِ زر کے آلات اور سرگرمیاں

• بازار زر کے سودے ایک ایسا آلہ ہے جسے اسٹیٹ بینک بینکاری نظام میں رقوم داخل کرنے یا اضافی رقوم واپس نکالنےکے لیے استعمال کرتا ہے۔ یہ عمل اہل تمسکات کی خرید و فروخت کے ذریعے انجام دیا جاتا ہے۔ بازار زر کے سودے کرنے کا فیصلہ مارکیٹ میں سیالیت کی صورتحال کے بارے میں اسٹیٹ بینک کے تجزیے کی بنیاد پر کیا جاتا ہے۔
• عملی طور پر، بازار زر کے سودے کے معاملے میں اسٹیٹ بینک آف پاکستان بینکوں اور پرائمری ڈیلروں کو اہل ضمانت کے بدلے فنڈز فراہم کرتا ہے تاکہ نظام میں موجود سیالیت کی کمی کو پورا کیا جا سکے۔ اہل سیکیورٹیز میں ایم ٹی بیز، پاکستان انویسٹمنٹ بانڈز اور اجارہ صکوک شامل ہیں۔اسی طرح جب مالی سیالیت کو کم کرنا مقصود ہو تو اسٹیٹ بینک حکومت کی سیکوریٹیز(تمسکات ) بینکوں کو فروخت کرکے اس کے بدلے فنڈز حاصل کرتا ہے تاکہ نظام سے اضافی سیالیت کو نکالا جا سکے۔
• اسٹیٹ بینک آف پاکستان نظام میں سیالیت کا انتظام کرنے کے لیے پانچ قسم کے بازار زر کے سودے انجام دیتا ہے۔

• بازار زر کے روایتی سودوں کے حوالے سے اسٹیٹ بینک پر میعاد کے حوالے سے کوئی پابندی عائد نہیں۔ تاہم اسٹیٹ بینک عام طور پر قلیل مدتی بازار زر کے سودے انجام دیتا ہے (یعنی 7 تا 14 دن)۔

OMO عمل کا بہاؤ

اسٹیٹ بینک آف پاکستان نے اگست 2009 میں شبینہ بازار زر ریپو ریٹ کے شرح سود کوریڈورمتعارف کروایا۔ اس کا مقصد زری پالیسی کے نفاذ میں زیادہ شفافیت پیدا کرنا اور مختصر مدتی سود کی شرحوں میں اتار چڑھاؤ کو کم کرنا تھا۔

اسٹیٹ بینک پالیسی ریٹ: بینک دولت پاکستان اپنے زری پالیسی فیصلوں کا اظہار ٹارگٹ پالیسی ریٹ کی صورت میں کرتا ہے، جو واضح طور پر اسٹیٹ بینک کے زری پالیسی مؤقف کو ظاہر کرتا ہے تاکہ قیمتوں کے استحکام کے بنیادی ہدف کو حاصل کیا جا سکے۔ اسٹیٹ بینک کا مقصد یہ ہوتا ہے کہ بازار زر کی بہ وزن دار اوسط شبینہ ریپو ریٹ کو اسٹیٹ بینک کے ٹارگٹ ریٹ کے قریب رکھا جائے۔ اس مقصد کے لیے اسٹیٹ بینک سیالیت کا انتظام کرنے کے مختلف آلات استعمال کرتا ہے، جن میں بنیادی طور پربازار زر کے سودے اور حکومتی تمسکات کی براہِ راست خرید و فروخت شامل ہیں۔

• اسٹینڈنگ سہولتیں: اسٹینڈنگ سہولتوں کا مقصد قلیل مدتی سود کی شرحوں میں اتار چڑھاؤ کم کرنا ہے، جس کے لیے شبینہ بنیاد پر سیالیت فراہم یا جذب کی جاتی ہے۔ یہ سہولتیں بنیادی طور پر بینکوں کی مخصوص سیالیت کی ضروریات کو پورا کرنے میں مدد دیتی ہیں کیونکہ اسٹینڈنگ سہولتیں اہل فریقوں کو ان کی اپنی ضرورت کے مطابق فراہم کی جاتی ہیں۔ان میں ایس بی پی معکوس ریپو (سیلنگ) اور ایس بی پی ریپو(فلور) کی سہولت شامل ہوتی ہے۔ اس وقت سیلنگ ریٹ اسٹیٹ بینک کے پالیسی ریٹ سے 100 بیسس پوائنٹس زیادہ جبکہ فلور ریٹ پالیسی ریٹ سے 100 بیسس پوائنٹس کم ہے، جس کے نتیجے میں مجموعی طور پر انٹرسٹ ریٹ کوریڈور 200 بیسس پوائنٹس بنتا ہے۔
  • ایس بی پی ریورس ریپو (سیلنگ) شرح: جب نظام میں سیالیت کی کمی ہوتی ہے تو جدولی بینک، پرائمری ڈیلرز اور ترقیاتی مالی ادارے اہل ضمانت ، یعنی قابلِ تجارت حکومتی تمسکات (ایم ٹی بی، پی ایف ایل) کے عیوض اپنی سیالیت کی ضروریات پوری کرنے کے لیے اسٹیٹ بینک کی معکوس ریپو سہولت کو شبینہ بنیاد پر استعمال کر سکتے ہیں۔ اس وقت سیلنگ ریٹ اسٹیٹ بینک کے پالیسی ریٹ سے 100 بیسس پوائنٹس زیادہ ہے۔
  • شریعت کے مطابق اسٹینڈنگ سیلنگ سہولت: یہ اسلامی بینکوں اور اسلامی بینکاری برانچوں کے لیے شبینہ مضاربہ پر مبنی فنانسنگ کی سہولت ہے، جو روایتی بینکوں کے لیے موجود اسٹیٹ بینک کی معکوس ریپو (سیلنگ) سہولت کے مطابق کام کرتی ہے۔ اس کے تحت اسٹیٹ بینک اہل ضمانت (حکومتِ پاکستان اجارہ صکوک)،حکومتِ پاکستان بیعِ مؤجل، جی آئی ایس (سی ڈی سی) ) فراہم کرتا ہے، اس متوقع منافع کی شرح پر جو اسٹیٹ بینک کے سیلنگ ریٹ کے برابر ہوتی ہے۔
  • ایس بی پی ریپو(فلور) ریٹ: جب نظام میں اضافی سیالیت موجود ہو تو جدولی بینک اور پرائمری ڈیلرز اسٹیٹ بینک کی ریپو سہولت استعمال کر کے اپنے اضافی فنڈز اسٹیٹ بینک کے پاس شبینہ بنیاد پر رکھ سکتے ہیں۔ اس کے بدلے انہیں اسٹیٹ بینک کے پاس موجود حکومتی تمسکات بطور ضمانت فراہم کی جاتی ہیں۔ اس وقت فلور ریٹ اسٹیٹ بینک کے پالیسی ریٹ سے 100 بیسس پوائنٹس کم ہے۔ فی الحال یہ سہولت صرف روایتی مارکیٹ کے لیے دستیاب ہے۔
  • اسٹیٹ بینک کے شرح سو د کوریڈور تصویری شکل میں درج ذیل میں دی گئی ہے:

  

شرح سود کوریڈور میں تاریخی پیش رفت

اسٹیٹ بینک آف پاکستان نے اگست 2009 میں شرح سود کوریڈور متعارف کروایا جس کے دو بنیادی مقاصد تھے زری پالیسی کے نفاذ میں زیادہ شفافیت پیدا کرنا اور قلیل مدتی سود کی شرحوں میں اتار چڑھاؤ کو کم کرنا۔

• ’’شرح سود کوریڈور‘‘کے نفاذ کے بعد شبینہ بازار زر ریپو ریٹ کے اتار چڑھاؤ میں نمایاں کمی آئی ہے۔
• اسٹیٹ بینک کے شرح سود کوریڈور کے ڈھانچے میں مئی 2015 میں درج ذیل نظرثانی کی گئی:
  • زری پالیسی کی ترسیلی میکانیت کو مزید مضبوط بنانا
  • اسٹیٹ بینک کے زری پالیسی کے آپریشنل فریم ورک کو بہترین بین الاقوامی طریقوں سے ہم آہنگ کرنا
• بازار زر کے شبینہ ریپو ریٹ کے لیے ایک نیا پالیسی ریٹ ’’ایس بی پی ٹارگٹ ریٹ‘‘ کے نام سے متعارف کرایا گیا۔ یہ ریٹ شرح سود کوریڈور کے اندر موجود ایس بی پی معکوس ریپو ریٹ (سیلنگ ریٹ) اور ایس بی پی ریپو ریٹ (فلور ریٹ) کے درمیان مقرر کی گئی۔یہ شبینہ ریپو ریٹ ٹارگٹ ایک واحد پالیسی ریٹ ہے جو واضح طور پر اسٹیٹ بینک کے زری پالیسی مؤقف کو ظاہر کرتا ہے۔
• اسٹیٹ بینک کا مقصد بازار زر کی بہ وزن اوسط شبینہ ریپو ریٹ کو ایس بی پی ٹارگٹ ریٹ کے قریب رکھنا ہے، تاکہ اسٹیٹ بینک کا زری پالیسی مؤقف واضح طور پر نافذ کیا جا سکے۔
  18مارچ 2020 کو اسٹیٹ بینک نے فیصلہ کیا کہ شرح سود کوریڈور کو پالیسی ریٹ کے گرد متوازن رکھا جائے گا۔