مالی شمولیت

اسٹیٹ بینک ساختی رکاوٹوں کے سدباب اور مارکیٹ انفراسٹرکچر کو مضبوط بنا کر ایک مضبوط، جدید اور جامع مالی نظام قائم کرنے کے لیے پرعزم ہے۔ اسٹیٹ بینک، ہدفی پالیسی مداخلتوں اور ’ڈجیٹل پبلک گڈز‘ کے ذریعے، مالی شعبے میں رسائی بڑھانے، کارکردگی میں اضافے اور مسابقت کو فروغ دینے کے لیے کوشاں ہے۔ یہ اقدامات بحیثیتِ مجموعی مالی شمولیت بڑھانے، خاص طور پر کم خدمات کے حامل طبقات کے لیے، اور صنعت کو وسیع تر اور ٹیکنالوجی پر مبنی حل اپنانے میں مدد دیتے ہیں۔

آسان موبائل اکاؤنٹ (AMA)

آسان موبائل اکاؤنٹ (AMA) اسکیم ڈجیٹل رسائی کا ایک نمایاں اقدام ہے، جس کے تحت اکاؤنٹ نہ رکھنے والے افراد سادہ اور بغیر انٹرنیٹ کے حامل موبائل کے ذریعے بآسانی اکاؤنٹ کھول سکتے ہیں۔ تمام شریک بینکوں اور موبائل نیٹ ورک آپریٹرز میں انٹرآپریبل اکاؤنٹ کھولنا ممکن بناکر، آسان موبائل اکاؤنٹ نے ڈجیٹل رسائی پوائنٹس کو بڑی حد تک بڑھا دیا اور کم آمدنی اور دور دراز آبادیوں کا باقاعدہ مالی نظام میں داخلہ آسان بنادیا۔ مزید تفصیلات کے لیے براہِ کرم اس لنک کو ملاحظہ کیجیے:

زرخیز- ای پورٹل

زرخیز ای پورٹل ایک مرکزی ڈجیٹل پلیٹ فارم ہے، جو کاشت کاروں اور مالی اداروں کے لیے شفاف اور حقیقی وقت میں قرضہ اسکیموں، ڈیٹا اور وسائل تک شفاف رسائی فراہم کر کے زرعی مالکاری کو جدید بنانے کے لیے تشکیل دیا گیا ہے۔ یہ پورٹل معلومات کے بہاؤ میں بہتری اور اس عمل کو آسان کر کے، خطرے کی تشخیص کو مضبوط بناتا ہے، قرضوں کو جلا بخشتا ہے، اور شواہد پر مبنی پالیسی سازی میں مدد دیتا ہے—جس سے بالآخر دیہی علاقوں کی مالی شمولیت اور زرعی پیداواریت بڑھا جاتی ہے۔ مزید تفصیلات کے لیے براہِ کرم اس لنک کو ملاحظہ کیجیے:

پاکستان موسمیاتی تبدیلی سے سب سے زیادہ متاثر ہونے والے 10 ممالک میں شامل ہے، جہاں غیرمعمولی طوفانی بارشیں، برفانی تودوں کا پگھلنا، دریائی سیلاب اور اچانک گرمی کی لہروں جیسی موسمیاتی شدت آ رہی ہیں۔ ان واقعات کے باعث ذریعۂ معاش، فصلوں، انفراسٹرکچر اور مواصلاتی نیٹ ورکس کو وسیع پیمانے پر نقصان پہنچا ہے، جبکہ توانائی اور غذائی تحفظ کو بھی نقصان پہنچا ہے۔ موسمیاتی تبدیلی کے بڑھتے ہوئے معاشی اور سماجی اثرات کے ردعمل میں،اسٹیٹ بینک نے "موسمیاتی تبدیلی" کو ایس بی پی وژن 2028ء کے چار جامع موضوعات میں شامل کیا ہے اور مالی شعبے کے موسمیاتی خطرات کے لحاظ سے کمزور زمروں پر اپنی توجہ مرکوز کررہا ہے۔ اسٹیٹ بینک مالیات تک بہتر رسائی، بہتر انفراسٹرکچر اور پائیدار مالیات کے فروغ کے ذریعے، شعبے کی مضبوط میں معاونت کے لیے کوشاں ہے—خاص طور پر غذا اور آبی تحفظ کےچیلنج سے نمٹنے کے لیے۔ اسٹیٹ بینک مالی شعبے کے متعلقہ فریقوں کو موسمیاتی تقاضوں اور چیلنجز کو سنبھالنے، موسمیاتی خطرات کم کرنے کے لیے ضوابطی اور نگراں فریم ورک کو مضبوط کرنے، اور معیشت کو ماحول دوست بنانے کے لیے وسائل کو زیادہ پائیدار اور متحرک کرنے کے لیے فعال پالیسی اقدامات کرنے کا بھی منصوبہ رکھتا ہے۔

مکانات کے سستے قرضوں کو فروغ دینے کے لیے حکومتِ پاکستان نے ’میرا گھر- میرا آشیانہ‘ کے نام سے اسکیم متعارف کرائی ہے جس کی خصوصیات مارک اپ زرِ اعانت اور خطرے میں شراکت داری ہیں۔

اسٹیٹ بینک ترجیحی شعبوں کے لیے قرضوں تک رسائی بڑھا کر جامع، پائیدار اور وسیع اقتصادی ترقی کو فروغ دینے کی غرض سے مختلف نوعیت کی ترغیبی اسکیمیں پیش کرتا ہے۔ یہ اسکیمیں ایس ایم ای، مکاناتی مالکاری، پائیدار اور ماحول دوست قرضوں، اور برآمداتی شعبوں کے لیے خصوصی قرضوں میں معاونت کرتی ہیں۔ اس معاونت میں رعایتی قرض کی سہولت، خطرے میں شراکت اور زیرِ ہدف پالیسی اقدامات شامل ہیں۔ زیرِ نظر ویب پیج اسٹیٹ بینک کی ترغیبی اسکیموں سے متعلق اہم سرکلرز اور ہدایات کا مرکزی ذخیرہ ہے۔ یہ ویب پیج اسٹیک ہولڈرز کو مطلوبہ رہنمائی دینے کے علاوہ متعلقہ پالیسی کی تفصیلات کو سمجھنے اور ضوابطی فریم ورک سے آگاہی میں آسانی فراہم کرتا ہے۔

اسٹیٹ بینک بین الاقوامی مالی اداروں کی مالی معاونت سے چلنے والے پروگراموں کے تحت دوطرفہ اور کثیر فریقی بندوبست کے ذریعے جدید حل تشکیل اور نافذ کرنے میں مرکزی کردار ادا کرتا ہے۔ ایشیائی ترقیاتی بینک اور عالمی بینک جیسے ادارے نے مالی شمولیت کو فروغ دینے، مارکیٹ انفراسٹرکچر کو مضبوط بنانے اور پاکستان کو موسمیاتی خطرات سے مزاحم بنانے میں اہم کردار ادا کیا ہے۔ اسٹیٹ بینک نے ان شراکت داریوں کے ذریعے، ڈجیٹل ادائیگی کے ایکوسسٹم کو وسعت دی، قرضہ ضمانت اسکیمیں تشکیل دی گئیں، ادارہ جاتی مضبوطی، اور موسمیاتی اسمارٹ زرعی فنانسنگ آزمائشی طور پر شروع کی۔ بنیادی پروگرامز جیسے ایشیائی ترقیاتی بینک کے مائیکروفنانس شعبہ جاتی ترقیاتی پروگرام اور دیہی مالکاری شعبہ ترقی پروگرام نے مائیکروفنانس اداروں، دیہی علاقوں کی مالی استعداد، خطرے میں تخفیف اور ڈپازٹس کے تحفظ کو توانا کیا۔ اس کے بعد کی اقدامات ، مالی خدمات تک رسائی میں بہتری کے پروگرام اور عالمی بینک کا FIIP شامل ہیں، سے سیالیت ، مالی خواندگی، اور ادارہ جاتی استعداد میں مزید بہتر آئی۔ حالیہ پروگرامز جیسے ایشیائی ترقیاتی بینک کے ویمن انکلوسیو فنانس پروگرام اور ورلڈ بینک کے کلائمیٹ رسک فنڈ کی وساطت سے صنفی حساسیت اور موسمیاتی موافق قرضے متعارف کرائے گئے۔ بحیثیتِ مجموعی، یہ اقدامات پاکستان کی ایک مضبوط، جامع اور پائیدار مالی نظام کی طرف منتقلی میں معاون ہیں۔ ان پروگراموں کی تفصیلات درج ذیل لنک پر ملاحظہ کی جاسکتی ہیں: