شرح مبادلہ کا نظام اور زرمبادلہ کے ذخائر کا انتظام

پاکستان میں مارکیٹ پر مبنی لچکدار شرحِ مبادلہ کا نظام رائج ہے، جہاں شرحِ مبادلہ کا تعین مارکیٹ میں طلب و رسد کی بنیاد پر ہوتا ہے، اور اس میں آنے والا رجحان عموماً ملک کے بیرونی ادائیگیوں کے توازن اور دیگر معاشی اظہاریوں کی عکاسی کرتا ہے۔ اس نظام کے تحت اسٹیٹ بینک کی بازار مبادلہ میں مداخلت کا کردار محدود ہوتا ہے، جس کا مقصد صرف غیر منظم مارکیٹ حالات سے بچاؤ اور زرِ مبادلہ کے ذخائر کو بڑھانا ہوتا ہے، اور کسی مخفی رجحان پر اثرانداز ہونے کی کوشش نہیں کی جاتی۔ شرحِ مبادلہ بیرونی دھچکوں کے خلاف پہلی دفاعی لائن کا کردار ادا کرتی ہے اور ملک کے قیمتی زرِ مبادلہ کے ذخائر کے تحفظ کے ساتھ ساتھ بیرونی کھاتے پر دباؤ کے خطرے کو کم کرنے میں مدد دیتی ہے۔

• یہ شرحِ مبادلہ انٹربینک مارکیٹ میں ہونے والی تمام غیر ملکی زرِ مبادلہ کی وصولیوں اور ادائیگیوں پر لاگو ہوتی ہے۔ مجاز ڈیلرز جو انٹربینک مارکیٹ کا حصہ ہوتے ہیں، اپنی خرید و فروخت کی شرحیں خود مقرر کرنے کے لیے آزاد ہوتے ہیں