ہم آپ کی مدد کیسے کر سکتے ہیں؟

search_bar
حالیہ تلاشیں
cross icons

سن رہا ہے...

لوڈ ہو رہا ہے...
Voice Search
cross icons

سرحد پار ادائیگیاں

  • Home
  • Cross Border Payments

اس صفحے پر

راست بونا

راست اب بونا کے ساتھ انضمام کے ذریعے اپنی سہولتوں کو سرحدوں سے باہر فراہمی کے لیے وسعت دے رہا ہے۔بونا-راست کنیکٹیویٹی منصوبہ ایک اہم پیش رفت ہے، جس کے تحت پاکستان کے مالی شعبے کو اس کے فوری ادائیگی کے نظام راست کے ذریعے عرب خطے کے مالی اداروں کے ساتھ بونا پلیٹ فارم کے ذریعے منسلک کیا جا رہا ہے۔ بونا ایک مرکزی سرحد پار ادائیگی کا نظام ہے جسے عرب ریجنل پیمنٹ کلیئرنگ اینڈ سیٹلمنٹ آرگنائزیشن (ARPCSO) چلاتی ہے۔ یہ ادارہ عرب مانیٹری فنڈ (AMF) کی ملکیت ہے اور اس میں 22 عرب ممالک شامل ہیں۔

اہم فوائد

تیز رفتار اور کم لاگت منتقلیاں

اس ربط کے ذریعے خامیوں اور بلند لاگتوں کا خاتمہ ہو جاتا ہے، جس سے عرب ممالک میں لاکھوں پاکستانیوں کو سرحد پار ترسیلات زر کم لاگت میں اور تیزی کے ساتھ منتقل کرنے میں سہولت ملتی ہے۔

علاقائی روابط میں مضبوطی

اس کے ذریعے پاکستان اور عرب ممالک کے درمیان مالی اور معاشی ربط بڑھتا ہے، جس سے تجارت اور سرمایہ کاری پر مبنی روابط مزید گہرے ہوتے ہیں۔

باضابطہ ذرائع کی حوصلہ افزائی

ان روابط کا مقصد زیادہ سے زیادہ ترسیلات زر کو بامحفوظ اور باضابطہ مالی نظاموں کے ذریعے منتقل کرنا ہے، تا کہ رقوم کی منتقلی کے غیر قانونی طریقوں پر انحصار کم کیا جا سکے۔

آخرکار، اس انضمام کے حقیقی فائدہ اٹھانے والے پاکستان کے عوام ہوں گے، خواہ وہ پاکستان میں رہتے ہوں یا بیرونِ ملک۔ اس کا مقصد یہ ہے کہ بھیجنے والے افراد اپنے موبائل فونز کے ذریعے ڈجیٹل طور پر ادائیگیاں شروع کر سکیں، تا کہ انہیں پاکستان رقم بھیجنے کے لیے ترسیلات زر کے کسی ادارے یا ایجنٹ کے پاس خود نہ جانا پڑے۔

مزید برآں، راست آئی ڈی کی قوت سے پاکستان میں استفادہ کنندہ افراد کو اب بینکوں کی برانچوں میں اوور دی کاؤنٹر منتقلیوں کے لیے قطار میں نہیں کھڑا ہونا پڑے گا اور نہ ہی انہیں گھنٹوں یا بعض اوقات دنوں تک اپنی رقوم موصول ہونے کا انتظار کرنا پڑے گا، کیونکہ راست کے ذریعے لین دین فوری طور پر مکمل ہو جائے گا۔ راست کو بونا سے منسلک کرنے کا مقصد پروسیس کی بہتر کارکردگی کا حصول اور سرحد پار رقوم کی منتقلیوں کو مالی اداروں اور حکومت پاکستان دونوں کے لیے زیادہ پائیدار بنانا ہے۔