جدت طرازی مرکز

جدت طرازی مرکز، اسٹیٹ بینک کا ایک ایسا پلیٹ فارم ہے جو مالی ٹیکنالوجی کے معاون نظام کے ساتھ منظم روابط کو فروغ دیتا ہے۔ اسٹیٹ بینک کے وژن 2028ء کے تحت قائم کیا گیا یہ پلیٹ فارم ضابطہ کاروں اور جدت طرازوں کے مابین رابطے کا ذریعہ ہے، جو پاکستان کے لیے نئے مالی سولیوشنز کو محدود اور سازگار ماحول میں آزمانے، شواہد کی بنیاد پر پالیسی سازی اور قابلِ توسیع ڈجیٹل مالی سولیوشنز کی تیاری کو ممکن بناتا ہے۔

یہ مرکز (Hub) ، مرکزی بینک اور جدت کے معاون نظام کے درمیان رابطے کے پل کا کردار ادا کرتا ہے۔ اس مقصد کے لیے یہ نئی مالی ٹیکنالوجیوں کو آزمانے اور بہتر بنانے کے لیے باہمی تعاون کا ماحول فراہم کرتا ہے، ضابطہ کاروں اور جدت طرازوں کے درمیان مکالمے کو فروغ دیتا ہے اور ایسے ڈجیٹل مالی سولیوشنز کی حوصلہ افزائی کرتا ہے جو مالی شمولیت، کارکردگی اور استحکام کو بہتر بنائیں۔

نصب العین

ایک ایسا ڈجیٹل طور پر جامع، مستحکم اور جدت طراز مالی نظام جو ہر پاکستانی کے لیے مؤثر ہو۔

مشن

منظم تجربات، اسٹیک ہولڈرز کے باہمی تعاون اور حالات کے مطابق ڈھلنے والے پالیسی فریم ورکس کے ذریعے جدید مالی سولیوشنز کی تیاری میں سہولت فراہم کرنا، تاکہ ایک جامع اور مستقبل کے تقاضوں سے ہم آہنگ مالی نظام تشکیل دیا جا سکے۔

ہمارے اہداف

1. مرکزی بینک میں جدت کو ادارہ جاتی سوچ کا مستقل حصہ بنانا، تاکہ مسلسل بہتری اور مستقبل کے تقاضوں سے ہم آہنگی کو فروغ دیا جا سکے۔
2. ضابطہ کاروں، مالی اداروں، فن ٹیک ، تعلیمی اداروں اور ٹیکنالوجی فراہم کرنے والوں کے درمیان شراکت داری کو فروغ دینا، تاکہ باہمی تعاون سے مؤثر مالی سولیوشنز تیار کیے جا سکیں اور انہیں وسیع پیمانے پر قابلِ عمل بنایا جا سکے۔
3. مارکیٹ سے روابط اور منظم ماحول میں آزمائش کو قابلِ عمل ضوابطی اور پالیسی معلومات میں تبدیل کرکے شواہد پر مبنی پالیسی سازی کو ادارہ جاتی شکل دینا۔
4. جدت طرازی کو ایسے عملی استعمالات کی جانب رہنمائی دینا جو پاکستان میں مالی خدمات کی کارکردگی، مالی شمولیت، استحکام اور صارفین کے اعتماد کو فروغ دیں۔

ابھرتی ہوئی مالی ٹیکنالوجیز کو سمجھنے، ان سے روابط قائم کرنے اور ان کے بارے میں مؤثر ردِعمل دینے کے لیے اسٹیٹ بینک کی ادارہ جاتی استعداد کو مضبوط بنانا