شریعہ ایڈوائزری کمیٹی

اسٹیٹ بینک آف پاکستان نے شریعت سے متعلق امور پر ماہرانہ رائے اور مشاورت فراہم کرنے کے لیے 2003 میں اپنا شریعہ بورڈ قائم کیا۔ بعد ازاں شریعہ بورڈ کا نام تبدیل کر کے شریعہ ایڈوائزری کمیٹی رکھ دیا گیا۔

یہ اعلیٰ سطح کا یہ ادارہ ایسے ارکان پر مشتمل ہوتا ہے جنہیں شریعت کے ساتھ ساتھ اکاؤنٹنگ، قانون، معاشیات/بینکاری اور فنانس کے شعبوں میں متنوع مہارت حاصل ہوتی ہے، اور جو اسلامی مالیات اور اس کے عملی طریقوں کا اچھا علم رکھتے ہیں۔

شریعہ ایڈوائزری کمیٹی کے کردار اور ذمہ داریاں

شریعہ ایڈوائزری کمیٹی کا کردار مشاورتی نوعیت کا ہوتا ہے اور یہ اسٹیٹ بینک آف پاکستان کو ان معاملات پر مشورہ دیتی ہے جو اس کے سامنے رائے کے لیے پیش کیے جاتے ہیں۔ شریعہ ایڈوائزری کمیٹی کے کردار اور ذمہ داریاں درج ذیل ہیں:

• درج ذیل امور پر شرعی رائے اور مشورہ دینا:
  • وہ ڈھانچے / لین دین / مصنوعات / مالی آلات جو اسٹیٹ بینک آف پاکستان نے اسلامی طریقوں کے تحت اپنی مرکزی بینکاری اور زری پالیسی کے انتظامی افعال انجام دینے کے لیے تیار کیے ہوں۔
  • وہ ڈھانچے / لین دین / مصنوعات / مالی آلات جو اسلامی بینکاری اداروں نے تیار کیے ہوں اور جنہیں شریعہ ایڈوائزری کمیٹی کی رائے حاصل کرنے کے لیے شعبۂ اسلامی مالیات پالیسی کے ذریعے پیش کیا گیا ہو۔
  • شریعت پر عملدرآمد سے متعلق کوئی بھی دیگر معاملہ جس پر اسٹیٹ بینک آف پاکستان کی جانب سے رائے یا مشورہ طلب کیا جائے۔
• اسلامی بینکاری صنعت کے لیے بین الاقوامی شرعی معیارات کو اپنانے کے بارے میں شرعی رائے اور مشورہ فراہم کرنا، مقامی صنعت کے محرکات کو مدنظر رکھتے ہوئے۔
• اسلامی بینکاری صنعت کے لیے ضوابطی معیارات کی تیاری اور ان کے نفاذ کے حوالے سے شرعی رائے اور مشورہ فراہم کرنا۔
• اسٹیٹ بینک کی زیرِ نگرانی بینکوں کے شریعت پر عملدرآمد کے معائنوں کے دوران بینکوں اور اسٹیٹ بینک کے درمیان پیدا ہونے والے اختلافات یا تنازعات کو حل کرنے کے لیے مشورہ فراہم کرنا۔
• اسلامی بینکاری اداروں کے شریعہ بورڈز کی متضاد آرا کو حل کرنے کے لیے مشورہ دینا۔
• بینکاری اور مالیات میں مہارت رکھنے والے شریعہ علما کی بڑھتی ہوئی ضرورت کو پورا کرنے کے لیے تربیت اور استعداد کار بڑھانے کے اقدامات تجویز کرنا۔
• • اسلامی مالی نظام کے مؤثر اور ہموار انداز میں کام کرنے کے لیے اسٹیٹ بینک آف پاکستان کی جانب سے وقتاً فوقتاً سونپی جانے والی دیگر ذمہ داریاں انجام دینا۔

شریعہ ایڈوائزئر کمیٹی کی تشکیل

اسٹیٹ بینک آف پاکستان (ایس بی پی) کے بورڈ آف ڈائریکٹرز نے اپریل 2025 میں شریعہ ایڈوائزری کمیٹی کی نویں مدت کو تین سال کے لیے منظور کیا۔ یہ کمیٹی سات (7) ارکان پر مشتمل ہوتی ہے، جن میں تین (3) شریعہ اسکالر ارکان (بشمول چیئرمین)، ایک (1) اکاؤنٹنٹ رکن، ایک (1) وکیل رکن، ایک (1) رکن دیگر شعبوں سے یعنی معاشیات یا بینکاری و فنانس سے، اور اسلامک فنانس گروپ کے ایگزیکٹو ڈائریکٹر بطور ex-officio رکن شامل ہوتے ہیں۔ اسٹیٹ بینک آف پاکستان کے شعبۂ اسلامی مالیات پالیسی(آئی ایف پی ڈی) کے ڈائریکٹر شریعہ ایڈوائزری کمیٹی کے سیکریٹری کے طور پر خدمات انجام دیتے ہیں۔ اسی کے مطابق شریعہ ایڈوائزری کمیٹی کی نویں مدت کی تشکیل درج ذیل ہے:

• ڈاکٹر محمد راغب حسین — شریعہ اسکالر رکن اور چیئرمین
• ڈاکٹر محمد قاسم — شریعہ اسکالر رکن
• ڈاکٹر خلیل احمد اعظمی — شریعہ اسکالر رکن
• جناب ریاض ریاض الدین — رکن (دیگر شعبوں سے: معاشیات یا بینکاری و فنانس)
• ڈاکٹر ذیشان احمد — اکاؤنٹنٹ رکن
• بیرسٹر ڈاکٹر حُما سودھر — وکیل رکن
• • سید ثمر حسنین، ایگزیکٹو ڈائریکٹر اسلامی فنانس گروپ (آئی ایف جی) بطور ex-officio رکن

ڈاکٹر زاہدالرحماٰن کھوکھر، ڈائریکٹر شعبۂ اسلامی مالیات پالیسی (آئی ایف پی ڈی) شریعہ ایڈوائزری کمیٹی کے ex-officio سیکریٹری (غیر رکن) ہیں۔

سابقہ ​​اراکین کی فہرست:

اپنے قیام کے بعد سے، درج ذیل اراکین نے شریعہ ایڈوائزری کمیٹی (سابقہ ​​ایس بی پی شریعہ بورڈ) میں خدمات انجام دی ہیں۔