زری پالیسی کے مقاصد

ایس بی پی ایکٹ 1956ء کی تمہید میں اس کے مقاصد بتائے گئے ہیں جس کے مطابق’ اس لیے یہ ضروری ہے کہ پاکستان کے زری اور قرضوں کے نظام کی ضابطہ کاری اور بہترین قومی مفاد میں ان کے نمو کی حوصلہ افزائی کے ساتھ زری استحکام کے حصول اور ملکی پیداواری ذرائع کے بھرپور استعمال کے لیے ایک ریاستی بینک (State Bank)قائم کیا جائے ۔ ‘

اسٹیٹ بینک گرانی کو حکومت کی جانب سے مقرر کردہ گرانی کے سالانہ اور وسط مدتی اہداف کے قریب رکھتے ہوئے زری استحکام حاصل کرنے پر توجہ مرکوز رکھتا ہے۔ اس کے ساتھ ساتھ اسٹیٹ بینک مالی استحکام خصوصاً مالی منڈی اور نظامِ ادائیگی کے ہموار انداز میں جاری رکھنے کو یقینی بنانے کی بھی کوشش کرتا ہے۔ لٹریچر سے، اور پاکستان کے تجربات سے پتہ چلتا ہے کہ قیمتوں کا اور مالی استحکام طویل مدت تک برقرار رہے تو پائیدار معاشی نمو کے حصول میں مدد ملتی ہے۔