الف. روایتی بینک، جسے صارفین کو ریٹیل ڈجیٹل مالی سہولتوں کی فراہمی کا کم از کم ایک سال کا تجربہ ہو، وہ خود انفرادی طور پر یا دیگر ایکویٹی شرکا کے ساتھ درخواست دے سکتا ہے۔ تاہم اگر اسٹیٹ بینک کو روایتی بینک کی کارکردگی تسلی بخش نہ لگے تو وہ تجربہ مزید بڑھانے کی ہدایت کر سکتا ہے ۔

ب. بین الاقوامی بینک یا ڈجیٹل مالی سہولت کا کوئی بین الاقوامی ادارہ جسے صارفین کو ریٹیل ڈجیٹل مالی سہولت کی فراہمی کا کم از کم تین برس کا کامیاب تجربہ ہو، وہ انفرادی طور پر یا دیگر ایکویٹی شرکا کے ساتھ درخواست دے سکتا ہے۔

ج. برقی مالیات کا ادارہ (ای ایم آئی) جسے صارفین کو ریٹیل ڈجیٹل مالی سہولت کی فراہمی کا کم از کم ایک برس کا تجربہ ہو اور وہ ڈجیٹل بینک میں تبدیل ہونا چاہتا ہو۔ تاہم اگر اسٹیٹ بینک اس ای ایم آئی کی کارکردگی سے مطمئن نہ ہو تو وہ اسے تجربہ مزید بڑھانے کی ہدایت کر سکتا ہے۔نیز، کسی ای ایم آئی کے تجرباتی مرحلے کے آپریشنز کی مدت کو اُس صورت میں ایک سالہ آپریشنز میں شمار کیا جا سکتا ہے جب ای ایم آئی ڈجیٹل بینک میں تبدیل ہونے کا خواہاں ہو۔

د. کسی مائکروفنانس بینک، ای ایم آئی، بین الاقوامی بینک یا عالمی ڈی ایف ایس ادارے میں اکثریتی حصے کے مالک یا کنٹرول رکھنے والے ادارے جنہیں صارفین کو ریٹیل ڈجیٹل مالی سہولت کی فراہمی کا کم از کم تین برس کا تجربہ ہو ، وہ انفرادی طور پر یا ایکویٹی کے دیگر شرکا کے ہمراہ درخواست دے سکتے ہیں۔

ہ. کوئی اور شخص جسے مالی خدمات، مالی ٹیکنالوجی، ٹیلی مواصلات، مرچنٹ ایگریگیشن ٹیکنالوجی پلیٹ فارم، آئی سی ٹی، یا دیگر متعلقہ ڈجیٹل یا اختراعی مالی اور غیر مالی شعبوں میں خدمات کی فراہمی کا کم از کم تین سالہ تجربہ ہو، جب وہ کم از کم5فیصد مجوزہ ایکویٹی کے ساتھ ڈجیٹل بینک بنانے کی درخواست دیں ، یا تو انفرادی یا ترجیحی طور پر یا کم از کم ایک فرد یا اداروں کے ساتھ، جو بھی صورت ہو، مجوزہ ڈجیٹل بینک میں ذیلی شق (الف)، (ب) اور (د) کم از کم 5فیصد ایکویٹی شراکت دار کے طور پر درج ہو۔