راست: پاکستان کا فوری ادائیگی کا نظام

راست پاکستان میں فوری ادائیگی کا پہلا نظام ہے، جس سے افراد ، کاروباری اداروں اور سرکاری اداروں کے درمیان ایک سے دوسرے سرے تک فوری ڈجیٹل ادائیگی کی جا سکے گی۔ تیز ترادائیگی کا یہ نظام کم مالیت کی خردہ ادائیگیاں فوری (بروقت) کرنے کے لیے استعمال کیا جائے گا، دوسری جانب اس سے بینکوں اور فِن ٹیک اداروں سمیت مالی صنعت کے تمام فریقوں کو سستی اور دنیا بھر میں کہیں سے بھی رسائی کا موقع ملے گا۔

پاکستان میں برقی لین دین کی تعداد پست ہے، جس کی کئی وجوہ ہیں۔ ان میں بینکاری کا پست نفوذ، اعتماد کا فقدان ، ڈجیٹل ادائیگیوں کے طریق کار کے حوالے سے کم آگہی، محدود تعامل (انٹرآپریبلٹی)، رسائی کی مشکلات اور لین دین کی بلند لاگت شامل ہیں۔ پاکستان کا فوری مجموعی تصفیے کا نظام (آر ٹی جی ایس) ادائیگیوں کے فوری تصفیے کی سہولت صرف بڑی مالیت اور کارپوریٹ لین دین کے لیے فراہم کرتا ہے۔ راست: پاکستان میں فوری ادائیگی کا یہ نظام زیادہ بہتر کارکردگی کے ساتھ خردہ ادائیگیوں کے تصفیے میں سہولت فراہم کرے گا۔

پاکستان میں ہونے والے یومیہ لگ بھگ 100 ارب روپے کے لین دین میں ڈجیٹل ادائیگیوں کا حصہ محض 0.2 فیصد ہے، جبکہ ہم سر ممالک میں ڈجیٹل لین دین کی شرح 1.5 فیصد تا 7 فیصد ہے۔ اس امر کو ادائیگی کے مجموعی نظام (ایکوسسٹم) سے منسوب کیا جاسکتا ہے، جس میں درج ذیل شامل ہیں