Roshan Digital Account

سمندر پار پاکستانی اب پاکستان میں جائیداد خرید سکتے ہیں

وطن واپس آئے بغیر
اور ڈجیٹل طریقے سے

پہلے سے منظور شدہ
منصوبوں میں سے انتخاب

ٹیکس وصولی سادہ
اور رقم کی بآسانی واپسی

پاکستان کی تاریخ میں پہلی مرتبہ اسٹیٹ بینک نے خاص طور پر غیر مقیم پاکستانیوں اور پاکستانی اوریجن کارڈ کے حامل افراد کے لیے روشن اپنا گھر اسکیم کا آغاز کردیا ہے، جس کے تحت وہ اپنی رقم سے یا بینک سے قرضہ(financing) لے کر پاکستان میں جائیداد خرید سکتے ہیں، مکان تعمیر یا اس کی تزئین و آرائش کرسکتے ہیں ، اور یہ سب کام وطن واپس آئے بغیر اور ڈجیٹل طریقے سےانجام دے سکتے ہیں۔

اس ضمن میں تین سے پچیس سال تک کی مدت کے لیے قرضہ روایتی اور شریعت سے ہم آہنگ دونوں طرز پر اور نہایت پُرکشش شرحوں پر دستیاب ہے۔ شروع سے آخر تک سارا عمل ڈجیٹل طریقے سے اور سادہ انداز میں انجام پائے گا جس سے سمندر پار پاکستانیوں کو موقع ملے گا کہ وہ سہولت کے ساتھ اور تیز رفتاری سے مکاناتی قرضے حاصل کریں یا پاکستان کے رئیل اسٹیٹ کے شعبے میں سرمایہ کاری کریں۔

جو غیر مقیم پاکستانی پہلے سے منظور شدہ منصوبوں میں سرمایہ کاری میں، یا ان میں جائیدادوں کے لیے قرضے کے حصول میں دلچسپی رکھتے ہیں، اُن کی درخواستوں کی پراسیسنگ زیادہ تیزی سے مکمل کی جائے گی۔ پاکستان میں روشن ڈجیٹل اکاؤنٹ کے ذریعے ہونے والی سرمایہ کاری کی رقم مکمل طور پر قابلِ واپسی ہے اور اس پر صرف ایک بار یکمشت ٹیکس لاگو ہوگا۔

پاکستان میں کہیں بھی براہ راست جائیداد خریدیں

غیر مقیم پاکستانی اپنےآر ڈی اے میں موجود رقم استعمال کرتے ہوئے بھی براہ راست جائیداد خرید سکتے ہیں۔ اس کے لیے انہیں روشن ڈجیٹل اکاؤنٹ کے شریک بینکوں کی ویب سائٹ کے ’روشن اپنا گھر ‘ویب پیج پر جانا ہوگا ۔ غیرمقیم پاکستانیوں کو محض جائیداد کا انتخاب کرنا ہوگا، ملکیتی دستاویزات کی نقول جمع کرانی ہوں گی اور پاکستان میں ایک شخص کو نامزد کرنا ہوگا جو خریدوفروخت اور منتقلی کی رسمی کارروائیاں مکمل کرتے ہوئے جائیداد کو سرمایہ کار کے نام پر منتقل کرے۔ متعلقہ بینک اُس جائیداد کا تخمینہ لگا کر اور فروخت کنندہ کی ضروری جانچ پڑتال کے بعد رقم فروخت کنندہ یا استفادہ کنندہ کو ادا کر دے گا۔

بینک قرضے سے جائیداد کی خریداری

غیرمقیم پاکستانی باشندے پاکستان میں واقع بینکوں سے بھی پُرکشش شرحوں پر روایتی یا شریعت سے ہم آہنگ طرز کے قرضے حاصل کرسکتے ہیں۔ ’روشن اپنا گھر‘ کے تحت قرضے خود منتخب کردہ جائیدادوں کے ساتھ ساتھ بینکوں کی ویب سائٹس پر دستیاب منصوبوں میں بھی حاصل کی جاسکتی ہے۔ درخواست دہندہ قرضے کے لیے درخواست دینے سے قبل بھی جائیداد کا انتخاب کر سکتا ہے یا درخواست دہندہ کے اکاؤنٹ میں نقدی کی آمد اور اس کی ادائیگیٔ قرض کی صلاحیت کی بنیاد پر بینک کی جانب سے قرضے کی حد منظور ہونے کے بعد بھی جائیداد کا انتخاب کرسکتا ہے۔

فنانسنگ کی اقسام

نارمل فنانسنگ

نیا پاکستان سرٹیفکیٹ کی ضمانت کی بنیاد پر قرضہ (Lien Based Financing) : غیر مقیم پاکستانی باشندے رہن پر مبنی مالکاری: غیرمقیم پاکستانی آر ڈی اے میں اپنے ڈپازٹ کی رقم یا نیا پاکستان سرٹیفکیٹ کو بینک کے پاس بطور ضمانت رکھوا کر ہاؤس فنانس کی سہولت حاصل کرسکتے ہیں۔ بینک مکان کی خریداری یا تعمیر کے لیے جائیداد کی 99 فیصد مالیت تک قرضہ جاری کر سکتے ہیں۔ مکان کی تزئین و آرائش کی صورت میں وہ جائیداد کی 40 فیصد مالیت تک قرضہ جاری کرسکتے ہیں۔ ضمانت کی بنیاد پر قرضہ لینے کے لیے جائیداد رکھنے کی ضرورت نہیں، خواہ اس کے مساوی ہو یا درج شدہ ۔ قرض لینے والا قرضے کی تمام دستاویزات پر ڈجیٹل طور سے دستخط کرے گا۔ اس کی ذاتی موجودگی کی ضرورت نہیں ہوگی حتیٰ کہ جائیداد کی فروخت یا منتقلی کے معاہدے (sale or transfer deed) پر عمل درآمد کے لیے بھی نہیں۔ تاہم، قرض دار خریدوفروخت کی رسمی کارروائی مکمل کرنے اور جائیداد قرض دار کے نام منتقل کرنے کے لیے پاکستان میں کسی شخص کو نامزد کرے گا۔

جائیداد کی ضمانت کی بنیاد پر قرضہ (Non-Lien Based Financing): یہ معمول کا مکاناتی قرضہ ہے، جس میں بینک مکان کی تعمیر یا خریداری کے لیے اس کی 85 فیصد تک مالیت کا قرضہ فراہم کر سکتے ہیں،جبکہ مکان کی تزئین و آرائش کے لیے اس کی 30 فیصد تک مالیت کا قرضہ دے سکتے ہیں۔ قرض دار فنانسنگ کی دستاویزات پر ڈجیٹل طور پر دستخط کرے گا، جبکہ رجسٹرار وغیرہ سے جائیداد کی دستاویزات حاصل کرنے اور بینک کے حوالے کرنے کے لیے قرض دار کی ذاتی موجودگی یا پاکستان میں کسی کو مختارنامہ تفویض کرنا لازمی ہوگا ۔ بینک قرض دار کو خصوصی مختار نامے (Special Power of Attorney) کی سافٹ کاپی فراہم کرے گا تاکہ وہ اسے ڈاؤن لوڈ، پرنٹ، دستخط کرنے کے ساتھ ساتھ اپنے اقامتی ملک میں پاکستانی مشن سے تصدیق کروا لے اور اسے اپنے اٹارنی کو ارسال کرے۔ بیرون ملک پاکستانی مشنز اور پاکستان میں دفترخارجہ نے روشن ڈجیٹل اکاؤنٹ ہولڈرز کے خصوصی مختار ناموں کی ترجیحی بنیادوں پر تصدیق کرنے کے خصوصی انتظامات کیے ہیں۔

مارک اپ کی سرکاری سبسڈی اسکیم (جی ایم ایس ایس)

آر ڈی اے کے حامل افراد کے لیے’روشن اپنا گھر‘ پراڈکٹ کے تحت مارک اپ کی سرکاری سبسڈی اسکیم کی مکاناتی قرضے کی سہولت بھی دستیاب ہے، اس ضمن میں متعلقہ سطحوں کے تحت پہلے سے طے شدہ معیار ملحوظ رکھا گیا ہے ۔ اس پر مارک اپ کی سرکاری سبسڈی اسکیم کی شرحیں ہی لاگو ہوں گی۔

جائیداد کی ضمانت کی بنیاد پر قرضہ	نیا پاکستان سرٹیفکیٹ کی ضمانت کی بنیاد پر قرضہ	شرح
کائبور جمع 1.5 فیصد	ایک سالہ کائبور	متغیرہ
پی کے آر وی پانچ سالہ پی آئی بی جمع 1.5 فیصد	پی کے آر وی پانچ سالہ پی آئی بی	معینہ*

ذاتی مالکاری	جائیداد کی ضمانت کی بنیاد پر قرضہ	نیا پاکستان سرٹیفکیٹ کی ضمانت کی بنیاد پر قرضہ
غیرمقیم پاکستانی واحد مالک جائیداد کی منتقلی/ فروخت کے معاہدے پر عمل درآمد کے لیے خریدار کی بنفسِ نفیس موجودگی (یکطرفہ لین دین کے طور پر عمل درآمد) ضروری نہیں۔	غیرمقیم پاکستانی واحد مالک خریدار خود موجود ہوگا یا منتقلی/ فروخت کی دستاویز پر عمل درآمد اور بینک کے حق میں رہن کے لیے مختار نامہ جاری کرسکتا ہے۔	غیرمقیم پاکستانی واحد مالک جائیداد کی منتقلی/ فروخت کے معاہدے پر عمل درآمد کے لیے خریدار کی بنفسِ نفیس موجودگی (یکطرفہ لین دین کے طور پر عمل درآمد) ضروری نہیں۔ رہن درکار نہیں۔
کسی مقیم پاکستانی کے ساتھ غیر مقیم پاکستانی کی مشترکہ ملکیت جائیداد کی منتقلی/ فروخت کے معاہدے پر عمل درآمد کے لیے خریدار کی بنفسِ نفیس موجودگی (یکطرفہ لین دین کے طور پر عمل درآمد) ضروری نہیں۔	کسی مقیم پاکستانی کے ساتھ غیر مقیم پاکستانی کی مشترکہ ملکیت موجودگی ضروری نہیں ۔ شریک مالک جائیداد کی منتقلی/ فروخت کے معاہدے پر عمل درآمد مکمل کرے گا اور گروی رکھوانے کے معاملات طے کرے گا۔	کسی مقیم پاکستانی کے ساتھ غیر مقیم پاکستانی کی مشترکہ ملکیت جائیداد کی منتقلی/ فروخت کے معاہدے پر عمل درآمد کے لیے خریدار کی بنفسِ نفیس موجودگی (یکطرفہ لین دین کے طور پر عمل درآمد) ضروری نہیں۔ رہن درکار نہیں۔