Roshan Digital Account

اب روشن ڈجیٹل اکاؤنٹ کے حامل افراد بینک فنانسنگ کے
ذریعے پاکستان میں اپنے پیاروں کے لیے کار لے سکتے ہیں

اسٹیٹ بینک نے بینکوں کی شراکت سے روشن ڈجیٹل اکاؤنٹ کے حامل غیرمقیم پاکستانیوں کے لیے 'روشن اپنی کار' اسکیم کا آغاز کردیا ہے۔ اب غیرمقیم پاکستانی وطن میں موجود اپنے اہلِ خانہ کو کار دلانے کے لیے نہایت پُرکشش شرحوں پر کار فنانسنگ حاصل کرسکتے ہیں۔ اس کے لیے وہ ڈجیٹل طور پر درخواست دے کر معمول سے نصف وقت میں کار حاصل کر سکتے ہیں۔

غیرمقیم پاکستانیوں کے لیے ایک پُرکشش پیشکش

درخواست دینے کا ڈجیٹل طریقہ

مارک اپ کی کم شرح

کم شرح پر بیمہ

1.4

روایتی/ شریعہ فنانسنگ کے طریقے
روایتی اور شریعت سے ہم آہنگ
دونوں طرز پر کار فنانسنگ دستیاب ہے

مدت آپ کی سہولت کے مطابق
2 سے 7 سال

تیز تر فراہمی
کار کی فراہمی میں لگنے والا وقت 50 فیصد تک کم

درخواست دینے کا ڈجیٹل طریقہ کار

روشن ڈجیٹل اکاؤنٹ کے حامل افراد کار فنانسنگ کی درخواست دینے کے لیے اُس بینک کے پورٹل کو استعمال کریں گے جس میں اُن کا اکاؤنٹ ہو۔ قرضے کی درخواست دینے کا عمل مکمل طور پر ڈجیٹل ہے جس میں کوئی کاغذی کارروائی شامل نہیں ۔

درخواست پر تیز تر عمل درآمد

درخواست جمع کرانے کے بعد قرضے کی منظوری میں 4 دن کا وقت لگتا ہے۔

فنانسنگ کی پست شرحیں

روشن ڈجیٹل اکاؤنٹ کے حامل افراد کے لیے کار فنانسنگ کی شرحیں مارکیٹ کی شرحوں سے قدرے کم ہیں۔ فنانسنگ کے لیے دو قسموں کی شرحیں دستیاب ہیں:

رواں شرح:

اس میں کار فنانسنگ کی شرحیں لیے گئے قرضے کی مدت کے لحاظ سے مختلف ہیں ۔ درخواست دیتے وقت مروجہ بینچ مارک کی بنیاد پر شرح کا تعین کیا جائے گا، اور اس پر وقتاً فوقتاً نظرِ ثانی ہوتی رہے گی۔

رہن پر مبنی رواں شرح:
رہن کا تعین روشن ڈجیٹل اکاؤنٹ کے ڈپازٹس یا نیا پاکستان سرٹیفکیٹس سے ہوتا ہے، اور کار فنانسنگ اسٹیٹ بینک کی کم از کم نشانیہ شرح سے ایک فیصد زائد پر دستیاب ہے۔ اسٹیٹ بینک کی کم از کم شرح (فلور ریٹ) اس کی ویب سائٹ پر بھی دستیاب ہے۔

رواں شرح جو رہن پر مبنی نہ ہو: کار فنانسنگ چھ ماہ کی عرصیت کے حامل کائبور جمع ایک فیصد پر دستیاب ہے (کراچی بین البینک شرح پیشکش)۔ کائبور کا تعین یومیہ بنیاد پر کیا جاتا ہے، جو اسٹیٹ بینک کی ویب سائٹ پر موجود ہوتا ہے۔

معین شرح:

کار فنانسنگ کی یہ شرحیں پوری مدت کے لیے یکساں رہتی ہیں۔ بینک اپنے ڈپازٹس کی لاگت یا قرضے کی درخواست کے وقت پاکستان نوقدر پیمائی (پی کے آر وی) کی مروجہ شرحوں کی بنیاد پر معین شرح کی پیشکش کرتے ہیں۔ اس شرح کی پیشکش کے بعد فنانسنگ کی مدت مکمل ہونے تک اس میں کوئی تبدیلی نہیں آتی۔

کار فنانسنگ کی مروجہ شرحوں کے بارے میں مزید جاننے کے لیے روشن ڈجیٹل اکاؤنٹ پیش کرنے والے بینکوں کی ویب سائٹس ملاحظہ کیجیے۔

کار فنانسنگ کی شرحیں

رہن کے علاوہ پراڈکٹ	رہن پر مبنی پراڈکٹ	شرح
کائبور جمع ایک فیصد	اسٹیٹ بینک کی کم از کم حد جمع ایک فیصد	رواں
10.25 فیصد سے 11.50 فیصد	8.25 فیصد سے 9.50فیصد	معین

^{1۔ اسٹیٹ بینک کی موجودہ کم از کم حد 6 فیصد سالانہ ہے، جو اسٹیٹ بینک کی ویب سائٹ کے درج ذیل لنک پر دستیاب ہے:}

^{2۔ کائبور اسٹیٹ بینک کی ویب سائٹ کے درج ذیل لنک پر روزانہ شائع کیا جاتاہے: https://www.sbp.org.pk/ecodata/kibor_index.asp}

^{3۔ معین شرح کےقرضوں کی قیمت قرضے کی مدت مکمل ہونے تک تبدیل نہیں ہوتی۔ تاہم اگر مارکیٹ کے حالات تبدیل ہوجائیں تو پھر بینک فنانسنگ کی مدت کے آغاز ہی میں نظرثانی شدہ نرخوں کی پیشکش کرسکتے ہیں۔}

بیمہ کی پست شرحیں

معروف بیمہ کمپنیوں سے کار بیمہ (انشورنس) لینے کے متعدد آپشن مختلف شرحوں پر موجود ہیں۔ آپ اپنی پسند کی کمپنی کا بیمہ لے سکتے ہیں۔

روایتی/ شریعہ سے ہم آہنگ مالکاری کے طریقے

روایتی اور شریعہ سے ہم آہنگ مالکاری دونوں طریقوں سے کار فنانسنگ دستیاب ہے۔

تیز تر فراہمی

مارکیٹ میں اِس وقت کاروں کی فراہمی میں جتنا وقت لگتا ہے، اس اسکیم میں اس کا آدھا وقت لگے گا۔

ایک سے زیادہ کاریں

اسکیم کے تحت غیرمقیم پاکستانی زیادہ سے زیادہ تین کاریں حاصل کرسکتے ہیں۔