-
اسٹیٹ بینک نے مائکروفنانس قرض گیروں کے لیے رعایتی اقدامات میں توسیع کی اور اور مائکروفنانس بینکوں کے لیے قرضے کی حد میں اضافہ کیا
اسٹیٹ بینک نے 10 اگست 2020ء کو مائکرو فنانس بینکوں اور ان کے قرض گیروں کے لیے اقدامات کے ساتھ امدادی پیکیج کے دائرہ کار میں توسیع کی تاکہ وہ کورونا وبا کے منفی مضمرات سے بہتر طور پر نمٹنے کے قابل ہوسکیں:
i۔ اول، رعایتی اقدامات جو قبل ازیں 15 فروری 2020ء تک ریگولر قرض گیروں کے لیے دستیاب تھی، اب ان قرض گیروں کو بھی دستیاب ہے جو 31 دسمبر 2019ء کو ریگولر تھے۔ اس طرح زیادہ لوگوں کو اس اسکیم سے استفادہ کرنے کا موقع ملے گا۔
ii۔ دوم، عرصے کی بنیاد پر درجہ بندی اور تموین (provisioning) کی شرائط میں دو ماہ کی توسیع کردی گئی ہے؛ اور
iii۔ سوم ، مائکرو فنانس بینکوں اور ان کے صارفین کو اس پیکیج سے مستفید کرانے کے لیے قرض گیر کے اظہارِ رضا مندی بذریعہ ریکارڈ شدہ فون لائنز کی اجازت دے دی گئی ہے۔
! اس صفحے کو شیئر کیجیے