زری پالیسی فیصلے اور بیانات زری پالیسی کے فیصلے ہر دوسرے مہینے جولائی، ستمبر، نومبر، جنوری، مارچ اور مئی میں جاری کیے جاتے ہیں۔ یہ زری پالیسی فیصلے کے پسِ پردہ اقتصادی حالات اور منطق کے مختصر تجزیے پر مشتمل ہوتے ہیں۔

بینک دولت پاکستان اپنے زری پالیسی مؤقف کا ابلاغ بنیادی طور پر اپنی ویب سائٹ اور پریس ریلیز کے ذریعے کرتا ہے۔ گورنر بینک دولت پاکستان عام طور پر مالی سال کے آغاز اور وسط (جولائی اور جنوری) میں زری پالیسی مؤقف پریس کانفرنس کے ذریعے میڈیا کے سامنے پیش کرتے ہیں، اس کے علاوہ فیصلہ ویب سائٹ پر اپ لوڈ کیا جاتا ہے اور پریس ریلیز جاری کیا جاتا ہے۔ زری پالیسی کے ابلاغ کو بہتر بنانے اور شفافیت لانے کے لیے بینک دولت پاکستان نے اپنی ویب سائٹ پر زری پالیسی کمیٹی کی روداد شائع کرنا شروع کر دی ہے۔ زری پالیسی اعلان کے بعد بینک دولت پاکستان کی اعلیٰ انتظامیہ زری پالیسی بیان کی مزید وضاحت کے لیے مختلف فورمز پر اس کی پریزینٹیشنز دیتی ہے اور پرنٹ اور الیکٹرانک میڈیا کو انٹرویو دیے جاتے ہیں۔