مالی شمولیت کیا ہے؟
مالی شمولیت سے مراد رسمی مالی خدمات تک افراد اور اداروں کی رسائی ہے جس کی مدد سے وہ معیاری ادائیگیاں، بچتیں، قرض اور بیمے کی خدمات حاصل کر سکیں اور ان کی ضروریات باعزت اور احسن طریقے سے پوری ہو سکیں۔

(مزید تفصیلات کے لیے پڑھیں) 

پاکستان 180 ملین سے زائد آبادی پر مشتمل ہے تاہم مالیات میں اس وسیع آبادی کی شمولیت انتہائی کم ہے، محض 2.4 فیصد آبادی ہی رسمی مالی ذرائع سے قرض تک رسائی رکھتی ہے۔ پاکستان کی مجموعی بالغ آبادی کا تقریباً 53 فیصد مالی نظام سے باہر ہے۔ آبادی کے اتنے بڑے حصے کے بینک سے الگ (unbanked) ہونے کی ایک اہم وجہ مالی مصنوعات اور استعمال سے آگاہی میں کمی ہے۔ آبادی کا ایک بڑا حصہ روپے اور مالی انتظام کی بنیادی مہارت سے بھی محروم ہے۔ بجٹ بنانا، اپنی بچت کی سرمایہ کاری کرنا، وغیرہ کے تصورات ان کے نزدیک انوکھے ہیں۔

(مزید تفصیلات کے لیے پڑھیں) 

ملک میں مالی شمولیت میں اضافے کے لیے اسٹیٹ بینک نے نہ صرف ملک میں دور رس شراکت داریوں کا آغاز کیا ہے بلکہ اس نے مارکیٹ کی بہتری اور اختراعات میں اضافے کے لیے فنڈنگ کی اعانت کے علاوہ علم میں اضافے، تیکنکی مہارتیں سیکھنے، اور انضباطی اور اطلاقی صلاحیتیں اپنانے کے لیے بین الاقوامی مالی اداروں اور ترقیاتی اداروں کے ساتھ بھی اشتراک کیا ہے۔

(مزید تفصیلات کے لیے پڑھیں) 

اسٹیٹ بینک مالی شمولیت کی صور ت حال ، اپنے اقدامات، اختراعات، صنعت کے رجحانات کی کارکردگی ناپنے اور طلب / رسد کے ارتقا و رجحانات طے کرنے کے لیے باقاعدگی سے جائزہ اور تحقیق کرتا ہے۔ ان جائزوں اور تحقیق کے نتائج نہ صرف قومی مالی شمولیت کی حکمت عملیوں کی تیاری میں بنیادی اعدادو شمار فراہم کرتی ہیں بلکہ پالیسی بنانے میں بھی مددگار ہوتی ہیں۔

(مزید تفصیلات کے لیے پڑھیں)